وكالة أوقات الشام الإخبارية
انتقدت الكاتبة رنا الحريري زوجة الممثل السوري باسم ياخور، المهووسين في عالم الموضة والأزياء، متمنّيةً لو كان باستطاعتها إقناعهم بالتوقف عن الموضوع.
وكتبت رنا على حسابها الرسمي على فيسبوك “الأناقة بالنسبة الي هي اللبس المناسب في المكان المناسب. ما بقدر البس حذاء كعب عالِ و أنا نمط حياتي في مشي كتير. ما بقدر البس جاكيت رسمي وأنا رايحة عالجنينة! أو فستان سهرة وأنا رايحة عالسوبرماركت!”.
وأضافت “الأناقة بالنسبة الي هي إني البس الشي يلي بيريحني، سواء كان بالموضة و”تريندي” أو طلع من الموضة من سنين. أنا عم انشر ب صفحتي صور من حياتي، ماني عم أعمل جلسات تصوير ولا عم قدم نفسي ك مؤثرة بعالم الازياء. ولو فيني أثر كنت بتمنى لو بقدر أقنعكم تبطلوا هاد الهوس بالأشكال، بالمكياجات والصيحات الجمالية والملابس والماركات”.
وختمت رنا حديثها بالقول “دوروا على التفاصيل يلي بتخليكم ناس أفضل، أنجح وأسعد مو التفاصيل يلي بتخليكم حلوين أو أنيقين”.
وقد تفاعل المتابعون مع المنشور معربين عن محبتهم ودعمهم لرنا وإعجابهم بما كتبته، إلّا أنّ أحد المتابعات انتقدت زوجها الممثل السوري قائلةً “كتير حلوة و عفوية وأنيقة بلا تكليف بعكس زوجك”، لتردّ عليها رنا بالقول ” زوجي ألطف وأطيب وأنقى انسان ممكن تعرفيه، بس السوشال ميديا وصفحات الأخبار الفنية مو دائما بتعطي صورة صحيحة عن الفنان للأسف، أنا عايشة معه من ١٦ سنة، وفخورة فيه بكل لحظة مضت ورح ضل لأخر العمر”.
اقرأ أيضا: مهرجان الإسكندرية يكرم السينما السورية
